A tarde no Pabellón Municipal As Lagoas de Narón prometía emoción, e o encontro entre Narón O Freixo F.S. e RIBEIRA F.S. 11 TEAMSPORTS non defraudou. O equipo visitante, liderado pola adestradora Luna, saltaba ao campo coa intención de manter a súa boa racha, pero non puido evitar caer por 2-1 ante un rival moi competitivo e con moita intensidade.
O encontro comezou cun claro dominio do RIBEIRA F.S. 11 TEAMSPORTS, que en apenas tres minutos de xogo xerou a primeira oportunidade de perigo. Foi Alma Díaz quen, desde unha banda, logrou perforar a escuadra co seu potente disparo, situando o marcador a favor das visitantes. O gol parecia dar alas ao equipo de Luna, que seguiu controlando o balón e xerando ocasións. Non obstante, a falta de acerto de cara ao gol impediu que o RIBEIRA ampliase a súa vantaxe, e pouco a pouco, o Narón foi gañando confianza.
A pesar das boas ocasións de Xenia Luna e Sainza Porto, a presión do equipo local empezou a facerse notar. O Narón xeraba varias oportunidades e o RIBEIRA viu como o marcador se mantivo apertado. Ao descanso, as xogadoras do RIBEIRA F.S. marcharon aos vestiarios cunha vantaxe mínima de 0-1, pero coa sensación de que o partido estaba aínda moi aberto.
A segunda parte foi un duelo de tú a tú, cunha clara loita pola vitoria. O Narón, á procura de igualar, xurdiu con moita intensidade, mentres que as visitantes querían sentenciar o partido co segundo gol. Sen embargo, a superioridade numérica tras unha expulsión local non foi suficiente para evitar que as desconexións defensivas se pagaran caras. O Narón, nunha acción afortunada, conseguiu equilibrar o marcador no minuto 35, e pouco despois, nunha xogada ben trenzada, remontou o partido.
A pesar da gran actuación de Sainza Porto, que se mantivo firme e determinante en momentos complicados, o RIBEIRA non foi quen de reverter a situación. No minuto 30, a expulsión de Antía Barral complicaba a situación, deixando ao equipo sen unha das súas xogadoras chave. O Narón conseguiu aproveitar a súa oportunidade, e nunha segunda metade intensa, logrou os tres puntos.
A gran mágoa da xornada foi a lesión de Xenia Luna, que tivo que abandoar o campo despois de sufrir un problema na súa rodilla esquerda. A súa baixa, sen dúbida, foi a nota negativa do partido e deixou ao equipo de Luna con moita preocupación.
Alineación RIBEIRA F.S. 11 TEAMSPORTS:
– Maria Granero – Sainza Porto – Alma Díaz – Antía Rodríguez – Nerea Corral
Banquiño: – Xenia Luna – Chloe – Candela – Carla Vázquez
Os tres mellores do RIBEIRA F.S. 11 TEAMSPORTS:
3 puntos: Sainza Porto
2 puntos: Alma Díaz
1 punto: Xenia Luna
Frase de Luna (Adestradora do RIBEIRA:
«Inxusta derrota pola primeira parte do equipo, que desplegou un gran fútbol sala, pero non foi quen de sentenciar o marcador e iso, no deporte, págase. Mandamos moito ánimo a Xenia, que sen dúbida é a noticia negativa da tarde e agardamos telo pronto connosco».
O RIBEIRA F.S. 11 TEAMSPORTS preparará a súa próxima xornada na casa contra o Pescados Rubén Burela, rival ao que derrotaron na primeira volta por 2-5. A confianza e a lección aprendida neste partido serán claves para o reto que teñen por diante.
